خیبرپختونخوا، ضمنی انتخابات کا اعلامیہ جاری

پشاور:الیکشن کمیشن خیبرپختونخوا نے صوبے میں ہونے والے ضمنی انتخابات کا اعلامیہ جاری کر دیا۔اعلامیہ کے مطابق خیبرپختونخوا سے قومی اسمبلی کے 3 حلقوں میں ضمنی انتخابات 30 اپریل کو ہوں گے۔الیکشن کمیشن کی جانب سے جاری اعلامیہ میں کہا گیا ہے کہ این اے31 پشاور، این اے24 چارسدہ اور این اے 22 مردان کے لیے کاغذات نامزدگی وصول کئے جائیں گے۔این اے 22 مردان کے لئے عنایت اللہ خان وزیر، این اے 24 چارسدہ کے لئے مس صفیہ اکبر اور این اے 31  پشاور کے لئے آصف خان خٹک ریٹرننگ افسران مقرر کئے گئے ہیں۔ این اے 31 پشاور کے لئے ریٹرننگ آفیسر کا دفتر صوبائی الیکشن کمشنر خیبرپختونخوا کے دفتر واقع شامی روڈ میں قائم کیا گیا ہے جہاں کاغذات نامزدگی وصول کئے جائیں گے۔