وزیراعظم اور بل گیٹس کے درمیان ٹیلیفونک رابطہ، پولیو کے خاتمے پر تبادلہ خیال
دونوں رہنماں نے مشترکہ مقاصد پر مل کر کام جاری رکھنے پر اتفاق کیا,وزیراعظم نے بل گیٹس فاؤنڈیشن کی جانب سے ملک میں پولیو کے خاتمے کے لیے مدد کو سراہا
وزیراعظم نے فاؤنڈیشن کے ساتھ شراکت داری مزید مستحکم کرنے کی پاکستان کی خواہش کا بھی اعادہ کیاپاکستان پولیو کی تمام اقسام کے خاتمے کے لیے پرعزم ہے،شہباز شریف
اسلام آباد: وزیراعظم شہباز شریف اور بل گیٹس کے درمیان ٹیلی فونک رابطہ ہوا ہے جس میں بل گیٹس نے پولیو کے خاتمے کے لیے پاکستان کی کوششوں کو سراہا، دونوں رہنماں نے مشترکہ مقاصد پر مل کر کام جاری رکھنے پر اتفاق کیا۔وزیراعظم ہاؤس سے جاری اعلامیے کے مطابق وزیراعظم نے بل گیٹس فاؤنڈیشن کی جانب سے ملک میں پولیو کے خاتمے کے لیے مدد کو سراہا، وزیر اعظم نے حالیہ سیلاب میں بھی پاکستان کے لیے بل گیٹس فاؤنڈیشن کی امداد کو سراہا۔وزیراعظم نے بل گیٹس کو پولیو کے خاتمے کے لیے وزیرصحت اور ان کی ٹیم کی کوششوں سے آگاہ کیا، وزیراعظم نے فاؤنڈیشن کے ساتھ شراکت داری مزید مستحکم کرنے کی پاکستان کی خواہش کا بھی اعادہ کیا۔وزیراعظم شہباز شریف نے 2022 میں پولیو کے نئے کیسز کی رپورٹنگ پر تشویش کا اظہار کرتے ہوئے کہا کہ پاکستان پولیو کی تمام اقسام کے خاتمے کے لیے پرعزم ہے۔اس موقع پر بل گیٹس نے پولیو کے خاتمے کے لیے پاکستان کی کوششوں کو سراہا اور پولیوکا خاتمہ یقینی بنانے کے لیے اپنی فانڈیشن سے مسلسل تعاون کا اعادہ کیا۔
